ರಾಜ
ಆಟವು ಮುಗಿದ ನಂತರ ರಾಜ, ರಾಣಿ, ಜಾಕಿ, ಪುಡಿ ಎಲ್ಲವೂ ಒಂದೇ ಪ್ಯಾಕಿನ ಪ್ರಾಣಿಗಳೇ.
ತಿಂಗಾಳು ಮುಳುಗಿದವೋ
ರಂಗೋಲಿ ಬೆಳಗಿದವೋ
ತಾಯಿ ಚಾಮುಂಡಿಯ ಪೂಜೆಗೆಂದು
ಬಾಳೆ ಬಾಗಿದವೋ ||
ಮಾಯ್ಕಾತಿಚಾಮುಂಡೀ
ಮಂಡೆಲ್ಲಿ ಒದರೀರಿ
ಮೈಸೂರಿಂದಾಚೆ ಬೆಟ್ಟದಲ್ಲಿ
ಬಾಳೆ ಬಾಗಿದವೋ |
ಮೈಸೂರಿಂದಾಚೆ ಚಾಮುಂಡಿಬೆಟ್ಟದಲಿ
ಹೂ ಕಂಡು ಮಂಡೆ ಅಲ್ಲೆ ಒದರಿದರು
ಬಾಳೆ ಬಾಗಿದವೋ ||
ಕರಿಯ ಕಡ್ಡಿಯ ಸೀರೆ
ನರಿಗೆ ಚಿನ್ನದ ಕುಣಿಕೆ
ನಡೆಮುಡಿಯ ಮೇಲೆ ಬರುವವಳೆ
ಬಾಳೆ ಬಾಗಿದವೋ |
ನಡೆಮಡಿಯ ಮೇಲೇ ಬರುವವಳೆ ಚಾಮುಂಡಿ
ದೊರೆಯೆದ್ದು ಕೈಯ ಮುಗಿದಾರೊ
ಬಾಳೆ ಬಾಗಿದವೋ ||
ಕನ್ನ ಕನ್ನಡಿ ಬಂದೊ
ಕಂಚಿನ ಹೆಬ್ಬರೆ ಬಂದೊ
ಸಣ್ಣೇರಿಮ್ಯಾಲೆ ಮಡೆ ಬಂದೊ
ಬಾಳೆ ಬಾಗಿದವೋ |
ಸಣ್ಣೇರಿ ಮ್ಯಾಲೆ ಮಡೆ ಬಂದೊ ಚಾಮುಂಡಿ
ನಿಮ್ಮಡೆಗೆ ತೋದಲು ಬೆಳಗಾದೊ
ಬಾಳೆ ಬಾಗಿದವೋ ||
