ಜೊತೆಯಲಿ

ಜೊತೆಯಲಿ ಜೊತೆಜೊತೆಯಲಿ ಇರುವೆನು ಹೀಗೇ ಎಂದೂ

ಹೊಸ ಹರುಷವ ತರುವೆನು ಇನ್ನು ಎಂದೂ

ಓ.... ಎಂಥ ಮಾತಾಡಿದೆ ಇಂದು ನೀ, ಎಂಥ ಮಾತಾಡಿದೆ

ನನ್ನ ಮನಸಿನ ಭಾವನೆ ನೀನೆ ಹೇಳಿದೆ || ಪ ||

ಪ್ರೀತಿ ಎಂದರೇನು ಎಂದು ಈಗ ಅರಿತೆನು

ಸವಿ ನುಡಿಯಲಿ ತನು ಅರಳಿತು, ಸವಿ ಗನಸಲಿ ಮನ ಕುಣಿಯಿತು

ಒಲವಿನಾ ಈ ಮಾತಿಗೆ, ಕರಗಿ ಹೋದೆ ನೋಟಕೆ

ಕೊಡುವೆ ನಿನಗೆ ಪ್ರೀತಿ ಕಾಣಿಕೆ || ೧ ||

ಮೋಡದಲ್ಲಿ ಜೋಡಿಯಾಗಿ ತೇಲಿ ನಲಿಯುವ

ಹಾರಾಡುವ ಅರಗಿಳಿಗಳ ಮಾತಾಡಿಸಿ ಮುದ್ದಾಡುವ

ಕಾಮನಾ ಬಿಲ್ಲೇರುವಾ, ಜಾರುತ ನಾವಾಡುವ

ಹಗಲು ಇರುಳು ಒಂದಾಗಿ ಬಾಳುವ || ೨ ||