ಗಗನವೇ ಬಾಗಿ

ಗಗನವೇ ಬಾಗಿ ಭುವಿಯನು ಕೇಳಿದ ಹಾಗೆ

ಕಡಲು ಕರೆದಂತೆ ನದಿಯನು ಪ್ರೀತಿಗೆ

ಯಾರು ಬಂದಿರದ ಮನದಲಿ ನಿನ್ನ ಆಗಮನ ಈ ದಿನ

ನೀಡುವ ಮುನ್ನ ನಾನೆ ಆಮಂತ್ರಣ || ಪ ||

ಜೀವನ ಈ ಕ್ಷಣ ಶುರುವಾದಂತಿದೆ

ಕನಸಿನ ಊರಿನ ಕದ ತೆರೆಯುತ್ತಿದೆ

ಅಳಬೇಕು ಒಮ್ಮೆ ಅಂತನಿಸಿದೆ

ಖುಷಿ ಈಗ ಮೇರೆ ಮೀರಿ

ಮಧುಮಾಸದಂತೆ ಕೈ ಚಾಚಿದೆ

ಹಸಿರಾಯ್ತು ನನ್ನ ದಾರಿ

ನೀಡುವ ಮುನ್ನ ನಾನೆ ಆಮಂತ್ರಣ || ೧ ||

ಸಾವಿನ ಅಂಚಿನ ಬದುಕಂತಾದೆ ನೀ

ಸಾವಿರ ಸೂರ್ಯರ ಬೆಳಕಾದಂತೆ ನೀ

ಕೊನೆಯಾಸೆಯೊಂದೆ ಈ ಜೀವಕೆ

ನಿನ ಕೂಡಿ ಬಾಳಬೇಕು

ಪ್ರತಿ ಜನ್ಮದಲ್ಲೂ ನೀ ಹೀಗೆಯೆ

ನನ್ನ ಪ್ರೀತಿ ಮಾಡಬೇಕು

ನೀಡುವ ಮುನ್ನ ನಾನೆ ಆಮಂತ್ರಣ || ೨ ||