ಕೋಗಿಲೆ ಹಾಡಿದೆ ಕೇಳಿದೆಯಾ

ಹೊಸರಾಗವ ಹಾಡಿದೆ ಆಲಿಸೆಯಾ

ಹೊಸ ಹೊಸ ಭಾವ ಕುಣಿಸುತ ಜೀವ

ಮರೆ ಸುತ ನೋವಾ ಪ್ರೇಮವಾ ತುಂಬಿ || ಕೋಗಿಲೆ ||

ಅಮ್ಮನು ಕಂದನ ಕೂಗುವ ಹಾಗೆ

ತಂಗಿಯು ಅಣ್ಣನ ಹುಡುಕುವ ಹಾಗೆ

ಪ್ರೀತಿಯ ಚಿಲುಮೆ ಉಕ್ಕುವ ಹಾಗೆ

ಕಾತರದಿಂದ ಪಂಚಮ ‍ಸ್ವರದಿ

ಕೊಳಲಿಂದ ಹೊರ ಬಂದ ಸಂಗೀತದಂತೆ || ಕೋಗಿಲೆ ||

ಆಹಾ... ಆ... ಆ... ಆ... ಆ..ಆ...ಆ.....

ಕಾಣದ ಸಿರಿಯಾ ನೋಡಿದ ಹಾಗೆ

ದೊರಕದ ಮಾಣಿಕ್ಯ ದೊರಕಿದ ಹಾಗೆ

ಬಾಳಲಿ ಬೆಳಕು ಮೂಡಿದ ಹಾಗೆ

ಸಡಗರ ಬದುಕಲಿ ತುಂಬುವ ಹಾಗೆ

ಸವಿಯಾಗಿ ಇಂಪಾಗಿ ಆನಂದದಿಂದ || ಕೋಗಿಲೆ ||

ಕಂಗಳು ಕನಸು ಕಾಣುವ ಹಾಗೆ

ತಿಂಗಳ ಬೆಳಕು ಮೂಡಿದ ಹಾಗೆ

ಹೃದಯದ ನೈದಿಲೆ ಅರಳಿದ ಹಾಗೆ

ನೋವೋ ನಲಿವೋ ತಿಳಿಯದ ಹಾಗೆ

ಸಂಗೀತ ಸುಧೆಯಿಂದ ಸುಖ ನೀಡುವಂತೆ || ಕೋಗಿಲೆ ||

ಸಮಯದ ಬೊಂಬೆ