ರಾಮಬಂಟ

ಕೆ. ಎಸ್. ನರಸಿಂಹಸ್ವಾಮಿ

ಕಿಟಕಿಯೊಳಗೆ ನಿಂದು ನಕ್ಕು,

ಕರೆಯುತಿಹನು ರಾಮಬಂಟ;

ಮನೆಯೊಳೆಲ್ಲ ಹರಿದು, ಹೊಕ್ಕು

ಹರಿಯುತಿಹನು ರಾಮಬಂಟ

ಜಾಣನವನು; ಬೆಳ್ಳಿಕುಳ್ಳ;

ಬಾಯಲೆರಡೆ ಪುಟ್ಟ ಹಲ್ಲು!

ಚೂರು ಮಾತು; ಮುದ್ದು ಕಳ್ಳ

ಅಲೆಯುತಿಹನು ಇಲ್ಲು, ಅಲ್ಲು!

ನನ್ನ ಕಂಡರವನಿಗಾಸೆ;

ಕೇಕೆ ಹಾಕಿ ನಗುವನವನು;

ನಮ್ಮ ದೊಡ್ಡ ಬೀದಿಯೊಳಗೆ

ರತ್ನದಂಥ ಕಂದನವನು

ಪುಟ್ಟ ಅಂಗಿಯೊಂದು ತೊಟ್ಟು,

ಹಣೆಗೆ ಕಪ್ಪು ಬಟ್ಟನಿಟ್ಟು;

ಹೊಳೆವ ದೊಡ್ಡ ಕಣ್ಣ ಬಿಟ್ಟು,

ಪುಟ್ಟ ಪುಟ್ಟ ಹೆಜ್ಜೆಯಿಟ್ಟು,

ಬೀದಿಯೊಳಗೆ ಬೆಳ್ಳಿಕಂದ

ಚಂದ್ರನಂತೆ ಬರುವನು;

'ಮಾವ' ಎಂದು ಪ್ರೀತಿಯಿಂದ

ಬೆರಳ ತೋರಿ ಕರೆವನು

ಓಡಿಬಂದ ಮಗುವನೆತ್ತಿ

'ನನ್ನ ಕಂದ' ಎನುವೆನು;

ತೊಳೆದ ಕಣ್ಗೆ ಮುತ್ತನೊತ್ತಿ

'ಜಾಣ' ಎಂದು ಕರೆವೆನು

ಹಾಲಿನಂತೆ ಅವನ ಮನಸು,

ದುಂಡುಮುತ್ತಿನಂತೆ ನುಡಿ,

ಅವನ ಕೇಕೆ ನನ್ನ ಕನಸು

ದೇವರವನು, ನಾನು ಗುಡಿ

ಎರಡು ಮನೆಗೆ ಅವನು ಕಂದ;

ಸೊಗಸುಗಾರ ಕಣ್ಣಿಗಂದ;

ಅವನು ತುಂಬಿದೊಲುಮೆಯಿಂದ

ನನ್ನ ಬದುಕಿನೆಲ್ಲ ಚಂದ

ಕತ್ತಲಲ್ಲಿ ಪುಟ್ಟ ಸೊಡರು

ಮನೆಯ ಬೆಳಕುಮಾಡಿದೆ;

ಹಿತ್ತಲಲ್ಲಿ ಮೊಲ್ಲೆಯರಳು

ಸಖದ ಕಂಪ ಹರಡಿದೆ

ರಾಮಬಂಟ ಬಹಳ ತುಂಟ;

ಮಕ್ಕಳೆಲ್ಲ ಹಾಗೆಯೆ!

ಅವನು ನನ್ನ ಪುಟ್ಟ ನೆಂಟ;

ಮಕ್ಕಳೆಲ್ಲ ದೇವರೆ!

ಅಕ್ಷರ ಪಲ್ಲಟ ಆಟವು ಪದಗಳನ್ನು ಜೋಡಿಸುವ ಒಂದು ಸುಲಭವಾದ ಮತ್ತು ಆಡಲು ಮನರಂಜನೆಯ ಆಟ.
ಅಕ್ಷರ ಪಲ್ಲಟ
ನೀವು ಕೂಡ ಕನ್ನಡದಲ್ಲಿ ಬ್ಲಾಗ್‌ ಮತ್ತು ಕಥೆಗಳನ್ನು ಬರೆಯಲು ಬಯಸುತ್ತೀರಾ?
ಇಲ್ಲಿ ಪ್ರಾರಂಭಿಸಿ

ಪರಿಕರಗಳು

ಸಾಲದ ಮಾಸಿಕ ಕಂತು (EMI)

ಸಾಲದ ಮಾಸಿಕ ಕಂತು (EMI) ಎಂದರೆ ಹಣಕಾಸು ಸಂಸ್ಥೆಯೊಂದರಿಂದ ಸಾಲ ತೆಗೆದುಕೊಂಡಾಗ, ಪ್ರತಿ ಮಾಸ ಅಥವಾ ಪ್ರತಿಕಾಲದಲ್ಲಿ ಪಾವತಿಸಬೇಕಾದ ನಿಗದಿತ ಮೊತ್ತ. ಮಾಸಿಕ ಕಂತನ್ನು ಆನ್‌ಲೈನ್‌ನಲ್ಲಿ ಲೆಕ್ಕಾಚಾರ ಮಾಡಿ.

ಹೆಸರು ಹುಡುಕಿ

ಲಿಂಗ, ಪ್ರಕಾರ, ವರ್ಗ, ಜನಪ್ರಿಯತೆಯ ಆಧಾರದ ಮೇಲೆ ಹೆಸರುಗಳನ್ನು ಹುಡುಕಿ. ಸಮಾನಾರ್ಥಕ ಹೆಸರುಗಳನ್ನು ಹುಡುಕಿ.

ಕರ್ನಾಟಕ ರಾಜ್ಯ

ಕರ್ನಾಟಕದ ಈ ನಕ್ಷೆಯಲ್ಲಿ ನೀವು ಪ್ರತಿ ಜಿಲ್ಲೆಯ ಮೇಲೆ ಕ್ಲಿಕ್ ಮಾಡಿ, ಆ ಜಿಲ್ಲೆಯ ವಿವರಗಳು – ಹವಾಮಾನ, ಜನಸಂಖ್ಯೆ, ಪ್ರಮುಖ ನಗರಗಳು, ಆರ್ಥಿಕ ಚಟುವಟಿಕೆಗಳು ಮತ್ತು ಇತರೆ ಮಾಹಿತಿಗಳನ್ನು ಈ ಪುಟದ ಕೆಳಭಾಗದಲ್ಲಿ ಅಥವಾ ಬಲ ಭಾಗದಲ್ಲಿ ನೋಡಬಹುದಾಗಿದೆ. ಪುಟವನ್ನು ಅನ್ವೇಷಿಸಿ ಮತ್ತು ಕರ್ನಾಟಕದ ಬಗ್ಗೆ ಹೆಚ್ಚು ತಿಳಿದುಕೊಳ್ಳಿ!

ದೈನಂದಿನ ಪಂಚಾಂಗ

ನಿಖರವಾದ ದೈನಂದಿನ ಪಂಚಾಂಗ ವಿವರಗಳನ್ನು ಅನ್ವೇಷಿಸಿ. ತಿಥಿ, ನಕ್ಷತ್ರ, ಯೋಗ, ಕರಣ, ಮತ್ತು ಶುಭ/ಅಶುಭ ಸಮಯಗಳ ನಿಖರವಾದ ಮಾಹಿತಿಯನ್ನು ಪಡೆಯಿರಿ.

ಅಕ್ಷರ ಪಲ್ಲಟ

ಅಕ್ಷರ ಪಲ್ಲಟ ಆಟವು ಪದಗಳನ್ನು ಜೋಡಿಸುವ ಒಂದು ಸುಲಭವಾದ ಮತ್ತು ಆಡಲು ಮಜಾ ಕೊಡುವ ಆಟ. ಇದರಲ್ಲಿ, ಪ್ರತಿ ಹಂತದಲ್ಲೂ ಅಕ್ಷರಗಳನ್ನು ಸರಿಹೊಂದಿಸಿ ಒಂದು ಒಳ್ಳೆಯ ಪದವನ್ನು ಕಟ್ಟಬೇಕು. ನೀವು ಮುಂದಿನ ಹಂತಗಳಿಗೆ ಹೋದಂತೆ, ಪದಗಳು ಉದ್ದವಾಗುತ್ತವೆ ಮತ್ತು ಆಟವು ಸ್ವಲ್ಪ ಕಷ್ಟವಾಗುತ್ತದೆ. ಪ್ರತಿ ಸರಿ ಉತ್ತರಕ್ಕೂ ನಿಮಗೆ ಅಂಕಗಳು ಸಿಗುತ್ತವೆ.