ಪೂಜಾರಿ
ಪೂಜಾರಿ ಕೈಮರ ಒಂದೇ - ದಾರಿ ತೋರಿಸುವುದಷ್ಟೇ ಕೆಲ‍ಸ, ಹಿಂದೆ ಬರುವಂತಿಲ್ಲ.
ಪೊಗದಿರಲೋ ರಂಗ ಬಾಗಿಲಿಂದಾಚೆಗೆ || ಪ ||
ಭಾಗವತರು ಕಂಡರೆತ್ತಿಕೊಂಬರೊ ನಿನ್ನ || ಅ.ಪ. ||
ಸುರಮುನಿಗಳು ತಮ್ಮ ಹೃದಯಗಹ್ವರದಲ್ಲಿ
ಪರಮಾತ್ಮನ ಕಾಣದರಸುವರೋ
ದೊರಕದ ವಸ್ತುವು ದೊರಕಿತು ತಮಗೆಂದು
ಹರುಷದಲಿ ಬಂದು ಕರೆದೆತ್ತಿ ಕೊಂಬರೋ || ೧ ||
ಅಗಣಿತ ಗುಣ ನಿನ್ನ ಜಗದ ನಾರಿಯರೆಲ್ಲ
ಪಗೆಯಾಗಿ ಕಾಂಬರೊ ಗೋಪಾಲನೇ
ಮಗುಗಳ ಮಾಣಿಕ್ಯ ತಗುಲಿತು ಕರೆಕೆಂದು
ಬೇಗದಲಿ ಬಂದು ಬಿಗಿದಪ್ಪಿ ಕೊಂಬರೋ || ೨ ||
ದುಷ್ಟನಾರಿಯರು ತಮ್ಮಿಷ್ಟವ ಸಲ್ಲಿಸೆಂದು
ಅಟ್ಟಿ ಬೆನ್ನಹಿಂದೆ ತಿರುಗುವರೋ
ಸೃಷ್ಟೀಶ ಪುರಂದರ ವಿಠಲ ರಾಯನೆ
ಇಷ್ಟಿಷ್ಟು ಬೆಣ್ಣೆಯ ಕೊಡುವೆನು ಗೋಪಾಲ || ೩ ||
