ಯಾವ ಮೋಹನ ಮುರಳಿ ಕರೆಯಿತು
ಅಮೇರಿಕಾ ಅಮೇರಿಕಾ ರಾಜು ಅನಂತಸ್ವಾಮಿ, ಸಂಗೀತ ಕಟ್ಟಿ
ಗೋಪಾಲಕೃಷ್ಣ ಅಡಿಗ
ಮನೋ ಮೂರ್ತಿ
ಯಾವ ಮೋಹನ ಮುರಳಿ ಕರೆಯಿತು
ದೂರ ತೀರಕೆ ನಿನ್ನನು
ಯಾವ ಬೃಂದಾವನವು ಸೆಳೆಯಿತು
ನಿನ್ನ ಮಣ್ಣಿನ ಕಣ್ಣನು || ಪ ||
ಹೂವು ಹಾಸಿಗೆ ಚಂದ್ರ ಚಂದನ
ಬಾಹು ಬಂಧನ ಚುಂಬನ
ಬಯಕೆ ತೋಟದ ಬೇಲಿಯೊಳಗೆ
ಕರಣ ಗಣದೀ ರಿಂಗಣ
ಸಪ್ತ ಸಾಗರದಾಚೆ ಎಲ್ಲೊ
ಸುಪ್ತ ಸಾಗರ ಕಾದಿದೆ
ಮೊಳೆಯ ದಲೆಗಳ ಮೂಕ ಮರ್ಮರ
ಇಂದು ಇಲ್ಲಿಗೂ ಹಾಯಿತೆ?
ವಿವಶವಾಯಿತು ಪ್ರಾಣ - ಹಾ
ಪರವಶವು ನಿನ್ನೀ ಚೇತನ
ಇರುವುದೆಲ್ಲವ ಬಿಟ್ಟು
ಇರದುದರೆಡೆಗೆ ತುಡಿವುದೇ ಜೀವನ
ಯಾವ ಮೋಹನ ಮುರಳಿ ಕರೆಯಿತು
ಇದ್ದಕಿದ್ದಲೇ ನಿನ್ನನು
ಯಾವ ಬೃಂದಾವನವು ಚಾಚಿತು
ತನ್ನ ಮಿಂಚಿನ ಕೈಯನು
ಜಾಹೀರಾತು ಅವಕಾಶ ಸಂಪರ್ಕಿಸಿ
ಸಿನಿಮಾ & ಸಂಗೀತಾಸಕ್ತರಿಗೆ ನಿಮ್ಮ ಬ್ರ್ಯಾಂಡ್ ತಲುಪಿಸಿ
ಕನ್ನಡ ನುಡಿ ಡಿಜಿಟಲ್ ಜಾಹೀರಾತು
ಜಾಹೀರಾತು ಅವಕಾಶ
ಸಿನಿಮಾ ಪ್ರೇಮಿಗಳು & ಗೀತಾಸಕ್ತರಿಗೆ ನಿಮ್ಮ ಉತ್ಪನ್ನ ತಲುಪಿಸಿ
ಕನ್ನಡ ನುಡಿ ಜಾಹೀರಾತು ಸೇವೆ